亞視星光大道嘅冠軍羅力威，噚日到港台接受訪問，佢話籌備緊新碟，希望年底可以出到。講到呢排無綫氣勢好勁嘅超級巨聲冠軍兼有「小巨肺」之稱嘅林欣彤（小圖）氣勢如虹，羅力威話唔怕對自己有影響，因為有實力同鍾意唱歌嘅人，只係想將音樂發揚光大，唔應該有競爭，佢仲話冇聽過林欣彤唱歌，只係聽過朋友話佢唱得好犀利喎。