呢排代理餓盤成個月，一有新盤都積極促銷，長實（001）嘅馬鞍山新盤天宇海，喺尖沙嘴港景峯嘅示範單位，就日日有好多人喺度，話冇衝撞同鬧交，講都冇人信啦！噚日有人放咗段短片上YouTube，話有40幾個代理喺天宇海示單位附近「大打出手」。
由於鏡頭睇唔到大家有「肢體碰撞」，華華問過警方，佢哋證實周日晚有收過匿名人士報案，指尖沙嘴童軍徑（即港景峯隔離）有人打交，但到現場就睇唔到，又唔見有打交嘅痕迹同有人受傷。
咁華華又問過地監局，佢哋話唔知有件咁嘅事，睇完條片就話資料唔足，不過會通知代理高層同向發展商查詢，發言人話若有代理違規，會向有關代理加以處分。
而啲代理高層都話唔知有件咁嘅事喎!
李華華