花旗股市上禮拜五勁升，港股噚日借勢抽高，順利升破22300收市，報22340，成交增加至800億元樓上，推向23000關嘅勢頭已經形成。10日線升至21923，係短線可靠嘅支持位，每次回落到呢個水平，都係收集機會。
一啲早排強勢嘅股份進入整固階段，但係整體大市嘅炒賣氣氛熱烈，有消息支持嘅股份升勢更加凌厲，港股第4季會係今年股市嘅燦爛歲月。
騰訊C輪23564：騰訊控股（700）噚日收報168.70元，升5%。股價喺月初升破250日線之後拾級而上，升幅唔算大，但係技術走勢就越嚟越強，噚日挾大成交抽高，裂口高收好有勁，升破180元睇196元，可以諗吓隻C輪23564，隻輪現價21.4仙，2011年3月2日到期，行使價160元，溢價7.53%，引伸波幅38.38%，槓桿率7.88倍（有效5倍），正股升上196元，23564睇41.6仙，升幅接近1倍，如果正股跌穿160元就沽咗隻輪。
俊樺