家喺英冠放領嘅昆士柏流浪，今季聯賽錄得7勝1和戰績，仲要係英冠唯一一隊不敗之師。上季昆軍排喺英冠13位，今季有蘇格蘭籍嘅25歲射手占美麥基由普利茅夫加盟，佢8場聯賽入8球，難怪昆士柏氣勢鬼咁勁。球會有見及此，周日即刻講明話，如果隊波最終下季升上英超，全隊球員就可以分咗320萬鎊（約3,900萬港元）獎金，所謂「重賞之下必有勇夫」，爭取自1996年以來再次在英超頂級聯賽角逐，真係唔係講笑o架！