傷患係職業球員必不可避嘅問題，之不過如果傷勢太嚴重，變咗做「死症」，亦即係代表球員生涯或許差唔多玩完。好似30歲嘅英格蘭後衞活基治（圖）咁，佢長期鼠蹊受傷，已經被剔出英超熱刺嘅25人名單，佢仲要係自09年11月後一直無出過賽，佢今年3月已去咗澳洲搵神醫，超過半年嘅治療期都幫佢唔到，令佢嘅傷患頓時變咗「死症」，真係唔知佢幾時先可以落場比賽囉！