多謝媽媽有好多方法，英超曼城前鋒泰維斯（圖）以入波多謝媽媽，話說呢位阿根廷前鋒喺上周六主場鬥車路士，射入致勝一球後，就興奮到揭起件波衫，白色底衫寫住「媽媽生日快樂！」。泰維斯身在球場踢波，之不過仍然心繫媽媽，依然要送生日禮物畀媽媽，真係孝順，佢媽媽實錫晒佢啦！而「泰仔」呢球仲令曼城贏咗榜首嘅車路士，同車仔嘅分差只係差4分，曼城嘅球迷亦肯定想咀啖佢呢！