永遠西裝一度的關百豪，是時富投資（1049）和實惠的老闆，搞網遊入股摩力集團（MOLI）。說實話，到現在也彷彿無甚說服力，「睇番我嘅history，好鍾意冒險，好似打機咁……」但冒險也要冒得有策略，網遊後，便是商機無限的電子商貿和三網融合，一切在5年前開始鋪排。
關百豪說，2000年科網熱時，已投資IT業務，可惜「當時走得快過市場」，結果損手離場。不過，這教訓並未將他擊沉，「因為我本身有個好堅定嘅belief，e-commerce一定得，揀咗網遊，睇ARPU（每名客戶每月平均消費）、營收最容易，係進入大陸互聯網或者e-commerce主要橋樑……」他說。
2005年，他收購上海開發網絡遊戲商摩力集團，打正旗號進軍內地，第一款自家研發的遊戲「海盜王online」同年推出，翌年授權台灣及香港的代理，拓展海外。時至今日，已累積一批核心玩家，收入保持穩定，但初期「交學費」在所難免。
06年曾失利自行研發再戰
「06年得到韓國網遊《驚天動地》係一個教訓，投入大量資源宣傳，初期在內地營運，知名度好高，原本以為係一個好開始，但因為遊戲嘅一個盲點，結果只成為有名無利嘅網遊……」
《驚天動地》的程式編碼屬開放式，可自行編寫外掛程式，大量玩家使用作弊程式，「升呢打寶」，遊戲失衡令不少人失去興趣。
摩力財務總裁陳友正表示，韓國開發商不願修改缺陷，結果《驚天動地》慘淡收場。為了不受制於開發商，摩力決定自行研發，下季將會推出兩款新遊戲《海之夢》及《驚天動地2》。
過去4至5年，關百豪投資摩力，大概1.3億至1.4億元，換來的是一個成熟的技術平台和團隊，「撇晒呢億幾之後，呢啲變晒無形資產，intangiblevalue亦好重要……」。他估計，明年下半年網遊開始收支平衡，2012年真正收成。