好耐冇喺香港開騷嘅蔡琴，嚟緊會喺11月13同14號喺紅館開騷，大會話只演兩場o架咋，歌迷可以喺今日率先以信用卡優先訂飛。今次演唱會個名定為《海上良宵蔡琴2010巡迴演唱會-香港站》，主題係「優美舒適、心曠神怡」，蔡琴希望藉住歌聲令歌迷有如置身度假郵輪上享受，而今次演唱會一如以往，先由上海首演，之後作巡迴演，初步已排到明年8月。