小妹噚日喺銅鑼灣街頭見到「鬼」跳舞，海洋公園十月全城哈囉喂班嘩鬼，喺街頭大跳哈囉喂電視廣告隻舞，可能廣告日播夜播，網上又有十幾萬點擊率，部份途人都識跳，結果大家一齊跳。（個廣告我淨係留意到龍婆，佢真係好正）。
哈囉喂舉行到10月底，公園市務總監李玲鳳話反應鬼咁好，噚日同本月30日已經爆棚，其他日子部份票種都就快賣晒，佢建議可選擇10月頭人流少啲嘅日子入場。
粉絲可製作短片參賽
佢又透露，招募緊關於哈囉喂10周年嘅自製短片，哈囉喂粉絲可以將自己之前嚟過嘅回憶，製作一分鐘至三分鐘短片、動畫、MV，上載到youtube，喺10月18日前以「十月全城哈囉喂」標題，將連結電郵到[email protected]。
海洋公園會喺facebook公開參賽作品接受公投，最高瀏覽人次七齣作品進入決賽。海洋公園以創意同切合主題選兩名大獎得主，可獲贈終身免費哈囉喂入場券。
詳情可瀏覽
http://www.facebook.com/hkoceanpark
電郵：mailto:[email protected]