車路士嘅班拿約，一向係塞爾維亞「胎盤神醫」瑪莉安娜高華絲域嘅粉絲，佢效力紅軍期間已經光顧高華絲域。呢名以色列中場由於啱啱拉傷咗小腿，於是就要求車仔放佢去塞爾維亞醫。雖然車仔嘅林柏特曾經見過高華絲域之後「臨陣退縮」，認為佢嘅治療方法唔啱自己，不過車仔仍然畀班拿約去，條件就係車仔嘅軍醫英格利殊都要跟埋去。車仔呢招都幾高，既尊重球員決定，又可以保障球會利益。