日本著名樂隊安全地帶，昨晚在赤鱲角亞洲博覽館順利舉行演唱會，因樂隊多首金曲曾被香港歌手改編，故捧場樂迷極多，塞爆整個場館。雖然遲了約20分鐘開場，但戴黑超兼滿身閃令令的安全地帶主音玉置浩二甫現身，唱出《拒絕再玩》日文原版《令人着急》即令觀眾狂呼大叫，到第三首歌他除黑超和隊友拍膊頭一起唱，氣氛融洽，玩得極high。
妻子陪同來港
其後五位成員排排坐用廣東話說：「大家好嗎？我哋係安全地帶！IloveyouHongKong！食咗飯未呀？多謝晒。」之後大唱串燒歌，包括《戀愛預感》和《酒紅色的心》等。
昨晚不乏圈中人睇騷，包括李克勤夫婦、陳奕迅、鄭伊健、蘇志威、唐文龍、楊其龍、羅傑承夫婦、許志安前助手戀人「細佬」潘恒章和林曉峰夫婦等。林曉峰自認是安全地帶忠實fans，最熟《酒紅色的心》等名曲，又謂曾在老婆康子妮大肚時播給BB聽作胎教，問他會否擔心玉置像在日本開騷時無端發癲，林曉峰即反問：「佢有冇帶女友嚟？」得知玉置已婚後，他鬼馬地說：「佢每次都帶唔同女人嚟，呢次係女友，下次就變老婆o架啦！」
此外，玉置昨日凌晨在妻子青田典子陪同下抵港，但二人出閘後未有黐實行，反而一直保持距離。玉置在幾名工作人員陪同下步出入境大堂，未知是否太倦，他回應記者的簡單英文提問時有些問非所答，被問到會否與老友見面時，他竟說：「IlikeHongKong！」再被追問時他則答：「Goodshow！」
提到近日中日關係緊張，問玉置會否擔心演出是否順利時，他先望一望記者並說：「唔……哈哈哈……」再用手肘輕撞過去，未有正面回答。臨上車前玉置繼續賣口乖，不停說「IlikeHongKong」。
採訪：梁婉霞、張俊銘
攝影：陳俊強、黃文偉
