港台節目《議事論事》唞暑後開工，首集搞搞新意思，搵咗政黨舊人同新丁「對壘」，測試後浪實力足唔足以推走前浪，其中一個比拼項目係一邊打乒乓波，一邊答問題。社民連新星馬草泥同民主黨卿姐一對一較量時，被問到邊個係佢心目中民主女神，馬草泥個答案竟然唔係周澄，而係對手卿姐。馬草泥果然可以一心二用，得卿姐不知幾歡喜，只見卿姐乍聽馬草泥咁仰慕佢，表現又驚又喜，可能一時間芳心紊亂，輸波畀馬草泥。連卿姐都不能倖免，其他民主小女神們，見到馬草泥時，真係要打醒精神呀！