做SPA、曬太陽、水上活動，蘇梅四天生活周而復始，悶嗎？你話呢？我還嫌不夠悶！消完脂，獎勵自己理所當然，走到ChawengBeach覓食。現場所見，除了market，街邊小吃地道攤檔幾乎罕見，算吧！反正我來是享受人生不要煩惱，不管了，見門面靚就入去吧！
記者、攝影︰吳美美
Model︰Michelle@Starzpeople
浪漫樹下嘗泰菜
人嘛，通常先被外觀吸引，繼而才作深度了解，今次我就擔當了人辦。來到「TheTreeBar&Grill」，我連餐牌都沒有看就走了入去，還不是那棵超閃藍光樹累事，發晒光，堅靚，身為雌性動物的必叫好靚兼於腦中浪漫一番。夢醒了，看餐牌，菜式是半泰半西，當然，我會支持食地道菜式，叫了客酥炸蒜茸老虎蝦、Thetreeplatter雜錦拼盤及兩杯特飲，上菜速度快，但不代表質素低，但亦未至於標青，老虎蝦身形肥大，炸得酥化但不油身乾身，蒜味亦剛好。相對來說，拼盤較遜色，當中只有蝦餅的鬆脆香口令我記入腦，至於特飲，漂亮名字與味道不能成正比，PeachSmoothies，約$30，桃味豐富，比AfterfullMoon（約$30）只有少許香蕉味（但餐牌話有桃及橙汁）來得平實易入口。
a.TheTreeBar&Grill
地址︰168150-51M.2ChawengBeachRd，T.Bophut,KohSamui
邂逅最正薯仔湯
走到了ChawengBeachRoad一邊的盡頭，我看到了TopTen，樓底超高，裝修格局以啡白色為主，柱身都仿椰樹設計，燈光昏昏暗黃，門口設了流水池，我腦中又自行製作了浪漫畫面：「日落的黃昏下走在繁盛的椰樹海灘上」。同一式動作，坐下，看餐牌，選擇同樣是半泰半西，這就是旅遊區的命運，但我亦慶幸如此，往往才有驚喜，在這裏喝了人生覺得最好喝的薯仔湯，湯內有木耳、蘑菇、薯肉，最正是加了蒜茸，入口時覺得材料都被炒過般香口。還選了Massaman式燉羊肩，一種加有豆蔻、丁香和肉桂等香料，回教徒最愛吃的一種，味道好輕，甜甜的幾開胃，亦不覺有羶味，但略嫌燉耐了一點。
b.TopTenRestaurant&Bar
地址︰98M.2ChawengBeachRd，T.Bophut,KohSamui
電話：5:00pm前（+66）77-422037；5:00pm後（+66）77-230235
煙花伴泰菜
在外吃喝過後，都要留番個肚試試BanyanTree內最具人氣的泰式餐廳Saffron。點人氣呢？首先位於Resort身上，選擇戶外位置，吹住海風看夜色，胃口都大啲！另外，佢仲有一樣絕招，若你是度蜜月或結婚周年要老婆，你可以於訂房時預訂放煙花，費用係10,000泰銖（約$2,529）放三分鐘環節，呢件事唔係富豪都可以做到，兩公婆數住天上星星時，突然煙花係咁爆，仲唔夠驚喜?包保呢餐食咩都覺得正！說回食物，是主打精緻式泰菜，首選炸軟殼蟹，份量十足，是香港的三倍，兼炸得鬆脆，配青檸醬，有本事食到半碟；甜品芒果糯米飯是成枱人絕讚之選，椰味足飯夠軟糯，配呍呢拿雪糕及甜脆脆，成個旅程變得好圓滿。
Saffron
地址︰BanyanTreeSamui內
