中秋節交易日港股升45點，向上形態越見明顯，周日花旗股市冇大變，如果噚晚冇乜特別，今日港股復市可以繼續推高。
聯儲局議息後罕有提到「通脹過低」，言下之意即係會出招刺激通脹，刺激通脹推高就業向來係唔少貨幣學派學者信奉嘅手段，但係效果只會係短暫嘅，而且會有其他不利嘅影響。而超低息環境肯定會繼續長時間維持。
農行C輪24154：農業銀行（1288）周三收報3.90元，升1.6%。股價早前升上3.94元之後現技術調整，回試10日線之後再度發力，技術上股價喺升破4元之後有機推向4.20元。
現階段可以諗吓隻C輪24154，隻輪現價17.20仙，2011年3月21日到期，行使價4.28元，溢價14.15%，引伸波幅28.15%，槓桿率22.67倍（有效8.17倍）。正股升上4.20元，24154有機見30.10仙，升幅有7成半，相當吸引；正股跌穿3.78元就沽咗隻輪。
俊樺