有句話「男人花心，但長情」是至理名言嗎？陳奕迅（Eason）在新戲《戀人絮語》周旋在范曉萱和林嘉欣之間。現實中，他與太太徐濠縈婚後育有一女，但近年Eason卻與謝安琪的名字拉在一起。Eason自認是個花心的人，但在台灣經歷過地震生死一剎間，便肯定太太是他心中第一位。
陳奕迅、范曉萱（小萱）最近首次合作電影，在曾國祥執導的新戲《戀人絮語》中飾演情侶，講述二人同居3年後，感情變淡，Eason便不時想着前女友林嘉欣，內心夾着無奈兼內疚。
自認長情
Eason表示與小萱有床戲，但每次都是一個睡就另一個醒，反而與嘉欣有接吻戲。戲內的Eason花心，現實中的他又是否花心？他認真思索後說：「霑叔（黃霑）曾經講過，男人花心，但長情，女人專一，但絕情，好有道理。我係個長情嘅人，但都花心o架。」會否有行動識女仔？他笑說：「行動？想死咩！我唔想冇咗身體一個部份。」Eason自言一向怕被女生拒絕，又說：「老實講，結咗婚好難花心。」
懶理緋聞
Eason拍戲期間，正是與謝安琪緋聞鬧得最盛之時，雖然《戀》片謝安琪也有份演出，但二人卻沒對手戲。
緋聞經常被炒起，Eason說：「由佢哋講囉，冇乜感覺，任何嘢講得多都煩，都唔知邊個講，實有啲多口嘅人。」
Eason指從不後悔組織家庭，並說：「我試過喺台灣遇到地震，第一個就打比佢（徐濠縈），心裏面就知邊個先最重要，父母我都未打，係心裏面地位問題。」他又說：「有時雜誌話我哋冇戴結婚戒指，係咪感情唔好，儍啦，我怕甩咋，試過同fans握手差啲甩，好多女士家唔戴婚戒，係因為唔襯件衫咋，其實有心就得啦。」
小萱坦言接受不到男友有第三者，若然遇到，會選擇理智地分手。現與樂隊成員拍拖的她表示沒有結婚和生小孩計劃，與男友已有共識。
撰文：溫敏芝 攝影：林德雄
