現年43歲嘅無綫藝員黃澤鋒今年3月8日婦女節娶咗拍拖一年、任職時裝設計師嘅女友陳麗麗（Lilian），眨吓眼佢哋都結咗婚半年，黃澤鋒噚日同馮仁昭通電話講起新婚生活，佢係咁笑唔停，佢仲話家做咗人老公，要肩負起養妻活兒重責，要積極銀。
後日補擺20圍
Lilian雖然係第二次結婚，但佢家人見佢覓得如意郎君都好戥佢開心，女方後日會喺尖沙嘴補擺20圍喜酒招呼親友，當日會做足接新娘嘅傳統儀式，黃澤鋒話會帶6個兄弟去闖關，佢話：「我婚後成日做運動，家體能好弗，姊妹應該考驗唔到我哋。」黃澤鋒同老婆日前仲補影咗結婚相。
由寡佬變幸福男人，黃澤鋒話最開心多個伴，問到呢半年嘅新婚生活，佢不停咁話：「開心、快樂，結咗婚進入人生另一階段，我覺得自己成個人唔同咗，我哋相處好好，不過好多時我會激佢，隔一陣老婆就唔嬲。」就好似搞婚宴，體貼嘅黃澤鋒明知老婆對扮靚有心得，鍾意揸主意，所以就放手任佢搞，咁家中有乜嘢可以由黃澤鋒話事，佢話：「廚房囉，老婆唔識煮嘢食。」黃澤鋒笑言唔介意做住家男人，難怪新婚黃太食到肥肥白白。
生仔順其自然
雖然Lilian係高齡產婦，但佢哋兩公婆話生育計劃會順其自然，咁會唔會考慮好似溫碧霞咁收養孤兒，黃澤鋒話：「要再諗，目前要搵多啲錢，等老婆生活過得好啲。」