今個中秋，個月亮同大家玩躲貓貓，但應該無損中國電信（728）股東同員工嘅賞月心情，事關佢嗰本用咗AugmentedReality（增強實境）科技嘅靚仔年報，啱啱喺有年報奧斯卡頒獎禮之稱嘅「2010年度國際ARC大獎」中，成為7金得主，電訊同IT行業類別嘅年報金獎都俾佢攞晒！真係舉頭望唔到明月，低頭都仲有七星伴月！
呢個年報奧斯卡，已經有24年歷史，係全球最大同最有江湖地位嘅年報評選比賽，今年有嚟自27個國家超過1900本年報參賽，勇奪7金都真係好難得！唔知董事長王曉初會唔會搞慶功宴慰勞吓班手足呢？