一支平平無奇的筆，在他手上轉呀轉，除了花樣百出神乎其技，也為他轉出一條不一樣的人生路。黃成輝無師自通，苦練成一手「好武功」，去年奪得香港轉筆大賽冠軍。轉筆帶給他的不只名和利，而是由一個容易放棄的人，學會堅持。
技巧千變萬化
很多人都有轉筆習慣，閒來無事不自覺便會把玩手中一支筆，轉一轉打發無聊時光，對19歲的中七學生黃成輝來說，轉筆可不是雕蟲小技，除了有成千上萬種技巧組合，也有改變他人生觀的大道理，「我學識咗凡事都要堅持唔好放棄，最後總會有成功嘅一日」。
黃成輝說，幾年前首次接觸轉筆時，只是抱着「幾得意喎」的心態去學習，「有日喺學校上電腦堂嗰陣，隔籬位個同學上網搵咗啲外國勁人轉筆嘅短片一齊睇，當時覺得幾得意，之後就迷上咗」。但要學成轉筆的各種基本功，阿輝只能透過觀看網上的高手短片，慢慢自行摸索，不斷嘗試。
個子不高的阿輝並非運動健將，讀書成績也不標青，為了不輸別人便憑一股幹勁繼續練下去，最終成為香港高手之一，去年奪得香港轉筆大賽冠軍，更和一班同道中人創立香港轉筆協會，「每次練到新招時，就會覺得以前嘅努力同堅持、經歷過嘅失敗都係值得嘅」。
無師要自通當然困難，阿輝在學轉筆時經過多番嘗試和挫敗，「我本身係一個好易就放棄嘅人，有好多技巧試好多次都好難做到，諗過好多次想放棄唔再玩」。令他繼續堅持下去的原因很簡單，「學成咗可以當有一技傍身」。
因為學會堅持，阿輝的人生觀也有一百八十度轉變，「以前一遇到困難就會放棄，家學識諗多啲再試下去做。好似作文、做數咁，諗唔到會轉下支筆諗多啲唔同方法，靈感就會突然到」。他又笑說，「家手同腦筋都靈活咗，讀書成績都好咗」。
除了成為轉筆冠軍帶來榮譽，也讓阿輝憑賣筆賺了數千元外快。「嗰時好多專用筆同埋改筆材料香港好少地方賣，咁啱有個朋友喺美國返嚟幫我買咗堆材料，用啲材料改筆之後轉賣出去，每支賺到幾十蚊」。他又說，成為轉筆冠軍後有了知名度，有轉筆比賽找他做評判，連同學都戲稱他是「大明星」，「其實大家講笑啫，我學校仲有好多真係體育明星，好多人都入咗港隊」。
堅持才會進步
升上中七便要面臨高考，阿輝坦言不得不減少練習轉筆的時間，花更多時間溫習，「始終轉筆都係唔可以當一份正職咁可以養到自己」。但作為轉筆協會的負責人之一，他最想做的是協助一班後輩訓練技巧，「希望佢哋都學識堅持先有進步同成績呢個道理」。記者梁德倫