北韓女足實力一向勁，估唔到北韓國內女球迷個個好似wondergirls咁（左圖），大眼、高鼻、尖下巴，斷估佢哋咁窮咁落後，都唔會係人工製造啦！呢班索fans出現喺周日425女子隊主場對英國米杜士堡女子隊嘅賽事度（右圖），場波為紀念兩國建交10周年，結果主隊425大勝6:2。最難得係呢段片由北韓國家電視台提供，今次特登安排一排靚女球迷亮相，肯定有政治考慮，唔通想用美人計吸引肥哨、細哨、C朗呢類好色球星去北韓打表演賽？