花旗國家經濟研究局表示，花旗經濟衰退已經喺去年6月結束。大家唔好覺得呢個「後知後覺」嘅宣佈奇怪，因為研究局每次都只係做「確認」，而確認嘅時差好少短過1年。花旗股市借勢造好，不過確認經濟見底回升同「雙底衰退」嘅憂慮冇牴觸，因為憂慮嘅正正係經濟回升之後再度滑落。
港股噚日升25點，突破22000關，向上嘅勢持續，升破22300企穩係另一個大升浪嘅訊號。
上電C輪13908：上海電氣（2727）噚日報收3.89元，升2.9%，股價早前跌穿250日線之後走勢好差，不過挨近3.30元企穩，逐步爬升，呢兩日回試10日線後又炒上，噚日成交顯著增多，短線有機會試4.40元，破位睇4.90元，可以諗吓隻C輪13908。
隻輪現價12.8仙，2011年12月12日到期，行使價3.88元，溢價32.7%，引伸波幅80.3%，槓桿率3倍（有效2倍），正股升上4.90元，13908睇20.1仙，正股跌穿3.50元就沽咗隻輪。
俊樺