早排80後示威者搞到一哥好頭痕，今期警隊官方刊物《警聲》刊登80後警員劉國中嘅「家書」，講吓佢點睇示威者。
大學試過遊行集會
劉國中當差四年，大學時搞過學生會，試過遊行集會。佢寫咗封信畀舊宿友「阿輝」，話最近做PTU執勤時，喺集會場合重遇昔日戰友，有感而發話覺得家陣示威方式同以前唔係好同，但係警察都冷靜克制云云。
劉國中「家書」上款「阿輝」，應該係社運活躍分子林輝，佢睇完封信後即時回信，話實在懷念讀書時搞社運嘅日子，林輝話家陣雖然大家隔住鐵馬，一人企一邊，但警察同示威者始終唔係敵人，真正嘅敵人其實係強權同不公義。林輝話好耐冇見呢位老友，叫佢見字即add: http://www.facebook.com/lamfai。
其實八方有啲奇怪，點解寫信畀朋友會叫「家書」。