身為順德人嘅民政事務局前局長何志平近日積極推動今年12月2至5號舉行嘅客家文化節，早前親自拜訪勁多客家人嘅鄉議局，希望合辦發大嚟搞。
肥平咁有誠意，鄉議局應承助佢一臂之力，鐵定12月4號舉辦客家美食大賽，以客家燃手菜「炆豬肉」為比賽菜式，預計邀請約10間食肆參賽。至於評判團隊，除咗美食家，應該包括在位時以「擦得」見稱嘅肥平啩？
新界鄉議局大埔區中學早前建議，希望同大埔官立中學合併，可改名為「新界鄉議局大埔區官立中學」，好多委員支持，包括主席劉皇發，佢話如果鄉議局中學加咗「官立」兩個字，會有強力「擋殺」功效，佢強調係殺校個殺，唔係擋煞個煞，估唔到發叔都玩食字gag。