詹瑞文昨日以護膚品Shiseido形象大使身份，在尖沙嘴出席發佈會，他對於第一次做護膚品活動倍感新鮮。
「佢唔會息影」
詹Sir的徒弟林嘉欣6月在加拿大秘密結婚，現正待產，他說：「都有SMS畀佢。」問到嘉欣是否懷龍鳳胎，詹Sir說：「之前又傳梁洛施生龍鳳胎，我冇問嘉欣，知佢好享受做幸福媽咪，仲send咗個笑樣畀我。」他更笑言嘉欣剪了冬菇頭，不可以做洗頭水代言人。
詹Sir又透露嘉欣不會息影，他說：「佢唔會息影，一個喜歡演藝電影嘅人，會繼續佢鍾意嘅事業，家暫時專心做媽咪，如果有電影我都會搵佢做，我11月會放假過加拿大探嘉欣。」對於兩位徒弟嘉欣和梁洛施先後做了媽咪，問會否過些好運給蔡卓妍，他說：「佢好叻，又拍電影搵好多錢。」
採訪：R.AuYeung
攝影：DickyChan