關淑怡（Shirley）下月9號會喺澳門威尼斯人金光綜藝館舉行演唱會，都係佢入行二十幾年嚟第一次喺澳門演出。今次演唱會，Shirley除咗會唱出自己嘅經典名曲之外，仲會同俄羅斯男舞蹈員大跳勁舞，問佢會唔會有辣身舞？Shirley話：「乜家啲人淨係鍾意睇辣身舞？我會同呢位舞男跳夜迷宮，你哋自己幻想吓囉！」