曼聯前鋒朗尼早前被踢爆喺老婆高蓮（圖）大肚嘅時候，出去召妓玩3P，激到高蓮火滾話要離婚。後來以為朗尼安撫高蓮成功「箍煲」，原來係假象，皆因高蓮日前就話：「我唔係朗尼嘅WAGs（Wife&Girlfriends）」，唔會好似英格蘭班球星嘅「跟得」老婆、女友，陪老公球員四圍去，仲話朗尼唔好再同任何女子有接觸，否則佢唔會再去球場為朗尼打氣。查實朗尼家已經因為呢件事受到好大打擊，今季英超只入得一球。如果高蓮願意喺朗尼呢個低潮期原諒佢，咁樣幫佢咪仲感動，到時朗尼仲唔乖乖聽話咩！