喺今夏南非世界盃，憑「巨乳夾手機」彈出嘅巴拉圭乳神莉爾莎列基美（圖），早前拍攝3點盡露3D寫真，又上電視節目叫阿叔主持「亂摸」，行為相當開放，風頭咪話唔勁，之不過人紅自然是非多，佢早前喺秘魯出席宣傳活動後，電視節目主持人就將呢個活動片段逐格睇，話列基美嘅身材已經走晒樣，變咗「豪華臀、豬腩肚」。
靠靚樣同身材搵食嘅列基美當然唔同意主持人嘅評價，仲反擊咁話自己天生麗質，根本就從來都唔使做運動、健身，就可以擁有豐滿、索爆嘅驕人身段，即使喪食朱古力都冇有怕，佢講嘅嘢係咪真？咁就要click入《蘋果網》，眾球迷慢慢鑒賞吓啦！