多蒙特前日喺德甲魯爾區打吡作客贏咗史浩克04，冇乜出奇，奇就奇在場波依足多蒙特嘅日本中場香川真司（圖右），喺賽前所講嘅劇本咁發展。香川賽前幾日曾經話：「呢場波我哋贏硬，而且我仲會入兩球。」估唔到香川真係講得出做得到，多蒙特就係靠佢上下半場先後射破德國正選門將紐亞十指關，結果以3:1爆冷KO史浩克。求大俠記得多蒙特97年歐冠盃決賽3:1贏祖記捧盃，前鋒列度賽前話自己將會左腳同頭槌各入一球，結果係畀佢講中，唔通多蒙特啲球員真係有預知能力？