楊千嬅昨日到朗豪坊出席Nokia手機發佈會，現場以千嬅探索太空的大型畫作為背景，千嬅則身穿有3D立體效果的服裝出場。雖然服裝領口呈deepV，但未見有立體效果，千嬅笑說：「唔谷（胸）啦，我同大家都相處咗十幾年，你哋唔認得我會唔開心，個心唔舒服，會驚o架。其實我好妥協，所謂身體髮膚受之父母，夠用就得喇。」
激瘦12磅
千嬅自嘲完平胸之後續說：「嚟緊個騷好反傳統呀，谷到好似我就嚟收山咁。要出碟又同時宣傳，對遲啲演唱會係好好嘅warmup，我家都半閉關o架喇，日頭見人，夜晚練歌，仲日日都有3個鐘做訓練，所以3個月以嚟已經瘦咗12磅。家最緊要就係養身同養聲，冇乜事都唔出街，怕抵抗力唔好會感冒。」
採訪、攝影：藍文浩