王敏德昨日一身機師造型在土瓜灣香港飛行總會，宣傳飛鷹行動計劃，駕駛全球最貴的直升機接載名模姚予晴和戴小奕等多位嘉賓，雖然活動開始時天文台已經掛上3號強風訊號，天氣漸轉惡劣，但王敏德仍然堅持冒雨進行。
王敏德昨日在土瓜灣香港飛行總會，駕駛全球最貴、價值4,680萬元的貝爾（BellHelicopter）429型號直升機接載多位嘉賓，包括鍾舒漫、姚予晴（Mikki）、戴小奕、莊思敏、周倩圯和甄詠珊等，宣傳飛鷹行動計劃，王敏德太太馬詩慧和大女曼喜也有去到撐場。
望囝囝學駕駛
天文台昨日下午掛起3號風球，不過王敏德仍堅持駕駛直升機，他說：「呢架直升機性能好好，冇問題，之前都試過打風揸過，等囝囝大啲都想佢學。」名模Mikki談到JessicaC.下月到荷李活發展，Mikki說：「我自己都想，不過現階段我更想做媽咪，希望做番適合自己年紀嘅事。」
同場的甄詠珊和莊思敏均做過隆胸手術，兩人談得十分投契，早前有指甄詠珊借錢給前拍檔、Freeze成員陳樂榣，不過陳樂榣有借冇還，兩人因財失義，甄詠珊說：「佢上年還咗幾次，今年還一次，佢當時因為屋企有事問我借，我唔想佢借信用卡捱貴息，啲錢係我辛苦工作儲番嚟，家還咗一半，冇限定佢幾時還，亦冇因財失義。」
採訪、攝影：IngridChan
