求大俠之前講過，基雲留喺曼城同赫特爭正選門將之位，係個錯誤選擇，因為領隊文仙尼根本當基雲透明。文仙尼前日更表示，若然基雲想繼續留隊嘅話，會好尊重佢嘅決定；但如果呢位愛爾蘭門將想出年1月離隊，球會亦會畀佢走。嗰頭講完，啱啱有門將夏柏撞傷膊頭要唞3個月嘅紐卡素，就表示好有興趣搵基雲回巢。求大俠仲聽到喜鵲仲想利用英超註冊25人名單條例嘅特別條款，喺上半季即刻借用基雲。假如真係借得成，咁下個月初曼城對紐卡素場英超，就有赫特對基雲鬥撲波嘅好戲睇！