陳豪及廖碧兒這對過氣緋聞男女昨日在尖沙嘴出席Shiseido護膚品活動，兩人奉旨煙韌，廖碧兒在台上幫陳豪搽面霜，令他露出冧樣之餘又尷尬面紅。陳豪並應大會要求，帶同視帝獎座到場。
碧兒補鑊護志雲
陳豪表示以情侶檔接job的價錢是開心價，問他會否接受一起拍婚紗廣告？他說：「如果搵我哋拍都冇所謂，有得傾。」廖碧兒則說：「都唔抗拒，其實拍《心花放》時，我哋都結咗婚生埋BB啦。」日前廖碧兒表態與陳志雲劃清界線，她昨補鑊說：「我只係講咗句『冇喎』兩個字，陳生係我上司，出事之後冇見過佢，因為我成日唔喺香港，冇聯絡陳生。」
採訪：歐陽慧恩
攝影：陳俊強