布力般領隊艾拿迪斯（圖）呢輪唔知做乜成日亂噏嘢，繼猛咁挑釁阿仙奴領隊雲格，話雲格教波冇乜過人之處後，「大Sam」最近又有新猷，聲稱自己應該係教曼聯、國米同皇馬呢啲大球會嘅料子。最弊係佢猛讚自己嘅同時，竟然連教緊嘅布力般都踩埋，話以前教過嘅保頓同家嘅布力般都唔啱佢教。或者布力般班主真係要搵「大Sam」傾傾，問清楚佢係咪唔想撈！