紐卡素前日憑馬賽借將賓艾化（圖）左腳怒射世界波，爆冷以1:0作客贏咗愛華頓。賽後喜鵲領隊曉頓開心之餘，仲恐防其他球會同佢搶人咁，講到明話同馬賽已有協議，紐卡素有優先權收購賓艾化，今季之後一定會買斷呢位法國國腳。曉頓仲話球會季前好辛苦先斟到賓艾化過嚟，所以對佢好有期望。