花旗股市上禮拜五微升13點，收報10607，睇嚟好似冇乜力，其實已經處於關鍵時刻，道指喺10500水平橫行幾日之後，上日成交急增，日線圖現十字星，應該就到決戰時刻，家睇嚟突破10700上試11000關嘅機會唔細。
港股嘅走勢好掂，恒指上日貼近22000關收市，呢幾日有機會升破22300，整固吓後市可以上試23000關，滙控（005）走勢好靚，短線有機會上試88元，帶動恒指試高位。
中鐵C輪15738：中鐵（390）上日報收6.07元，升2%。股價喺200日線整固咗一段時間，近日10日線已升破250日線，大型升浪睇嚟好快開展，短線睇7.10元，破位睇7.60元，可以諗吓隻C輪15738。隻輪現價13.2仙，2011年4月28日到期，行使價5元，溢價4.1%，引伸波幅36.8%，槓桿率4.6倍（有效4.7倍），正股升上7.60元，15738有機會翻一番，見26.7仙，正股跌穿5.68元嘅話，就沽咗隻輪止蝕。
俊樺