大概每個女人都期待另一半所送的禮物，所以一年裏有數十個送禮的理由，但差不多每個男人都認為挑選禮物是項苦差。名模熊黛林（Lynn）也認為送禮的確需要智慧，就算有男人送上名貴禮物她也不易心動，她說：「如果送得啱我心意都會鍾意。」她認為送禮首選是手袋，Furla的新品Guggenheim壓鱷魚紋手袋便是她心水之一。
熊黛林和所有女士一樣，即使衣櫃已經overload，卻永遠都期待下一個戰利品，Lynn說：「我已經唔知自己有幾多衫，不過我會覺得同一件衫，襯唔同手袋會有唔同嘅感覺，所以覺得手袋好重要。我屋企已經有三十幾個皮手袋，所以早就有一個為皮手袋而設嘅專櫃。」
怕真蛇皮
對於手袋款式，Lynn近日就鍾情大袋，她說：「我嘅手袋除咗銀包、鎖匙、電話等必需品外，仲會有香水、化妝品，有時仲要帶高跟鞋方便工作，因為要帶太多嘢，所以返工一定會揀大手袋。」
不過Lynn就透露早年雖然曾花數萬買下一個蛇皮手袋，但最後卻送了給別人，她說：「買嘅時候好鍾意，係我最貴嘅一個手袋，不過望耐咗之後，就慢慢驚蛇皮上啲紋，最後都送咗畀人。」
Lynn認為男士們要送禮，就一定要小心挑選，她更即時提供送禮貼士，她說：「送畀女仔最好係送淺色手袋，款式最重要係大方，會比較易襯。Furla新出嘅呢款鱷魚皮壓紋手袋就好百搭又易襯，款式又夠經典，加上佢係鏈帶款，好靚好特別，冇咁OL返工感覺，去好多場合都得。」
毛面舒服
Lynn所指的FurlaGuggenheim，整個系列本身都是以牛皮所製，但刻意壓上鱷魚紋，大玩原始mix&match。
除此以外，同時奪得Lynn歡心的還有Tate系列的杏色fur面手袋，Lynn貪其毛毛面手感舒服，在冬日更有暖手作用。
最後Lynn坦言收過男士所送的手袋，那可會是緋聞男友郭富城所送？她即時還以笑容避而不談：「以前嘅男朋友就送過，不過幾時就已經唔記得啦。」
別致動物紋
Furla今季大玩原始風情，將女士們打扮成探險者，鞋方面除了用絲絨面磨砂牛皮、軟羊皮和光面皮革外，也將牛皮再壓上豹紋、鹿紋等特別紋理，令人驚喜。用料方面，除了手袋用上fur，鞋款也大放異彩，將boot打扮得既美觀又活潑，是品牌今季的矚目元素。
採訪：R.AuYeung
攝影：RickyIp
場地提供：Azure（蘭桂坊酒店）