焦媛成為籌辦婚禮公司《囍殿》嘅代言人，噚日佢着咗婚紗現身中環嘅店舖舉行揭幕儀式，焦媛之前仲去咗澳門影婚紗相，令佢好有結婚做幸福少奶奶嘅衝動，但佢話暫時難以實現，仲話：「以前只會諗為生仔而結婚，但今次係我第一次着婚紗，感覺已經好幸福，我有提出過結婚，但身邊嗰位唔肯，我會等多幾年，到時再唔結就飛咗佢。」