無錯，換鏡DC入型入格，而且體積越執越細，仲唔覺意製造咗一班「小龍女」㖭！但講到方便，除考慮機身重量，快門及對焦速度之外，一支鏡如果能兼顧埋長景遠景，幾秒之間Zoom來Zoom去，你話正唔正先！
講緊係呢部「雙槍」CanonPowershotSX30IS。咪睇佢外形老老實實，副Body仲幾重吓，其實最厲害係個鏡頭，最Wide去到24mm，而最遠亦達840mm，即係幾多？咪35倍變焦囉！可能你又擔心，遠攝好講究技術，萬一小小手震，鬆郁矇就現晒形。但好彩，SX30有埋光學防震，慳番唔使帶腳架，更重要係，成Set架生$4,000有找，怕煩唔想四圍執配件，呢類相機啱你喎！
Canon（31912333）