陳豪昨日到奧海城，出席代言的護髮中心記者會和續約儀式，已第4年擔任代言人的他以一身米色西裝出現。他大賣口乖，不斷幫代言公司「硬銷」，又稱續約酬勞令自己開心和滿意。
欣賞陳志雲
提到陳志雲將於中秋節前夕提堂，他說：「我衷心希望佢冇事，之前都有透過傳媒慰問佢，因為呢段時間都唔敢打攪佢，其實我本身好欣賞佢為人，希望佢冇事啦。」問到公司可有下令封口時，他說：「我冇收過呢啲消息喎！」提到有指「迷雲黨」鳥獸散，他即回應說：「我自己就好簡單嘅，乜門派嘅嘢我都唔識，淨係識得埋頭苦幹，唔識分左右，總之乜派都好啦，都係幕前表現先係最緊要。」
採訪、攝影：藍文浩