波係圓嘅！用之形容足球賽峯迴路轉，已是耳熟能詳；但施於AC米蘭臨尾執平貨，折價收購兩匹球壇臭馬，卻是貼切不過。沉浮於大會、慣跳草裙舞之伊巴謙莫域及羅賓奴，終於加盟紅黑兵團。配合另兩員森巴兵細哨及柏圖，竟又成為所謂「F4」，構築菱形戰陣，到底是鑽石抑或階磚？能否為AC再贏意甲，端視教頭能否騎得住這幾匹臭馬！
但是可以肯定，AC將會一洗過去之沉悶，強攻強敵，憑銳利宰弱旅，無論以4-2-1-3或4-2-3-1演繹鑽石攻勢，都是斤両十足。羅賓奴、細哨、柏圖均來自巴西，後衞要阻其三角互傳入楔，可謂風聲鶴唳；加上伊巴身高腳長，盤射均宜，是中堅心腹大患，與艾歷臣任教英格蘭轉之「鑽石陣容」，不可同日而語！然而，4人均屬扭計一族，等閒教練又如何駕馭？剛巧AC今屆又易帥，李安納度黯然離隊，繼任人艾基利乃上屆卡利亞里教頭，不見經傳，要馴服幾匹野馬，艱難之至！其實，老闆貝盧斯科尼才是背後操盤之提刀人！「老闆足球」，竟又繼國米後，來臨AC。
老馬有火，還是臭馬有火，好戲還在後頭。騎驢看唱本，走着瞧，但AC作賽，大手交易，應幾可料。
文：長毛