陳志雲涉嫌詐騙被起訴，林建明昨日在灣仔出席珠寶騷時就獨排眾議，力撐陳志雲，她謂已SMS慰問陳志雲，更指事件是ICAC不明娛圈行內運作。
「外界誤解志雲」
林建明說：「成件事係外行人唔知行內運作，陳生搵artist做活動，藝人係本住嚟撐佢嘅目的，即係我今日嚟呢個珠寶騷，我係撐朋友。」
林建明還戥陳志雲不值：「係外界唔明，所以誤解佢，好多國家，好多地方都係咁（運作）。」但藝人無酬勞，只得陳志雲有？她說：「（合約）應該唔會咁樣寫明，一單活動有統籌，啲贊助商係sponsor個活動，好多電台、活動都係咁，而artist就好似人情咁出席，即係大紅花轎人抬人，你幫我，我幫你，咁樣公道啲。」
採訪、攝影：歐陽慧恩