混血女模Rosemary之前因為喺美國涉嫌藏毒同撞車後不顧而去，兩次被捕，嚟緊仲要返美國受審。
Rosemary返咗香港之後，一直都匿埋唔見人，有傳話佢呢一兩日就會離開香港，先去法國避一避風頭，再轉飛美國。Rosemary原定噚日幫鄧達智喺會展行G-Link珠寶騷，但佢發生事之後就推咗唔做，鄧達智搵咗一班好朋友幫手撐場。
「冇乜邊個唔high嘢」
鄧達智就話覺得Rosemary應該快啲出番嚟做嘢，佢話：「佢應該繼續工作，只有工作先可以淡化件事，如果一直唔接嘢做，只會令新聞繼續hot，而事業就會冷卻，工作係最好嘅治療。」佢之前話Rosemary藏毒事件係nobigdeal，引起好大迴響，鄧達智強調自己反對人吸毒同濫藥，佢話：「我唔係鼓勵人吸毒，而係家啲年輕人落吧蒲D，冇乜邊個唔high嘢，係一個社會遺憾，唔應該將啲責任推晒落去啲後生度，我係反對啲人take嘢嘅。」