"朗尼偷食面如死灰"
忠誠何價？唔同人有唔同嘅體會，不過作為公眾人物，全國嘅期望，就真係令擁躉有啲失望。處理得唔好，影響份工影響隊波，又有負身邊愛錫你嘅人，唉！費Sir護短唔使佢踢上周聯賽，已間接令曼聯無厘頭失2分；好嘞，諗住收起埋貝碧、俾佢擔晒大旗，周中主場數格流擁躉們自會多幾吓掌聲，結果，唔見幾日，面色蒼白，踢波勁力全無，成場波心不在焉；點解唔出嚟向公眾認錯，清清楚楚，周日對死敵利記，就自然可以專注做齣好戲啦。
"投資投機也要忍得"
周一用史篤城W同皇蘇[+1]射晒落周二曼聯[-1]，呢鋪諗住實食無黐牙，所以臨場無再加注，亦冇必要加注，因為值博率甚低；但幾條過關全泡湯，連往昔強項英冠，因精力有限，今季幾乎未認真做過功課，胡亂小注，全開對家。不過，賭波同買股票其實一樣，並唔一定要只爭朝夕。市旺，日日短炒贏到幾巴仙；但長線一定要等出擊訊號，搵番幾件揀手貨長擺收息，方為王道。周二全軍覆沒，但曼聯[-1]冇肉食有幾人肯大注；但周三上盤有一定分頭，即現出擊訊號，阿仙奴、A米、皇馬同巴甲戈亞斯串哥連泰斯，件件筍盤，同事T心癮多多場場買上盤，呢鋪單係歐聯聽聞佢贏到開巷。
"法比仔最愛是誰？"
法比仔連續兩場在阿聯酋球場光芒四射，佢個種無私嘅踢法，其實更凸顯佢漸成巨星嘅風範，16歲已跟阿仙奴跟雲格，家只係23歲，季季傳佢食回頭草返巴塞，他多數默言不語，只努力為一直所效所愛去做；周中阿仙奴大炒布拉加6粒，完場後只見佢低頭拍兩吓手掌返回更衣室，同另一位喺隊中扮大佬但成日傷嘅尹佩斯相比，你喜歡誰？只欠一個冠軍足已令他多留兩三季，阿仙奴對佢視為瑰寶，你以為佢唔知咩。
"有蘇亞雷斯呢鋪大硬"
同法比仔相比，阿積士射球機器蘇亞雷斯真係好大機會，明夏甚至明年1月轉會窗重開後離隊，投歐洲強豪。呢位喺世界盃為烏拉圭犧牲小我，完成大我嘅射手，幾年前喺格羅寧根投靠，條路一定係去掘金兼俾阿積士套現，唔會同阿積士講心；明天荷甲大戰作客宿敵飛燕諾，有佢從歐聯停賽後復出，阿積士唔會好似作客皇馬，全場得一次有威脅射門啩？客W1.6倍可捧，但堅持作客讓球，同阿仙奴作客新特蘭一樣都唔敢喺度重心推介，故博飛燕諾入到波開入球「大」仲好，嫌冇肉食，波膽博吓客軍贏3:2，4:2啦。
"水手上場贏前鋒奇怪"
我貼波同買股票都好長情，鯨魚長期推介，相信冇乜令波友失望，今次迎水手有啲分頭，可能拜對手近期好似好醒神；不過上次水手爆大冷反勝前鋒，奇奇怪怪。家一周踢一場，鯨魚呢類頂級馬會有較穩定嘅發揮，唔怕佢近期成日開贏1:0，今次單W有1.78倍，加多半注買[-1]，再放遠啲。
語錄：作客讓半一，或者介乎1.5至1.7倍W最危險，信心一注當捧主場有錢分強隊，鯨魚會係今天大海中的寶藏。