放假期間適逢WE2011嘅試玩版有得下載，即時感受吓新一輯有咩新元素加入，但試過之後，同唔少人喺討論區留言嘅人一樣，有所失望。
今集繼續由美斯作為代言人，試玩版亦有巴塞隆拿、西班牙國家隊、日本國家隊同拜仁慕尼黑可以揀選。人物嘅樣貌做得比以前再仔細，可能試玩嘅4隊都係有買版權嘅球隊，所以同真人非常相似。不過，操控就難以得心應手，傳球加了力度控制，本應是好事，但直線傳球嘅控制好難，基本上冇細力，想交畀最近嘅隊友唔知點解會傳到好遠，而隊友亦唔多識走位。可能接觸隻Game時間尚短，控制方面唔多適應，可唔可以吸引機迷，正式版嘅線上對戰流暢度會係關鍵。
愛華頓上周逼和曼聯，再主場擺擂台，有望開齋，一於博佢哋贏紐記。
戰鬥員A
心水：愛華頓勝
近5場戰績：LWLWL
心得：拖肥糖乘勢爭開齋