秋冬，歐洲牛肝菌當造，幾根手指大小卻散發出濃濃的香氣，帶點堅果又帶點肉香；而日本天皇級松茸亦芬香撲鼻！就連中國的有機菇菌都夠晒健康，總之，踏入9月，正是食菇菌的好時候！
記者：梁美甜
攝影：陳盛臣、伍慶泉、王文忠
Model：Rainbow
Wardrobe：麥迪奧（23428887）
炭燒松茸味最真
在日本，數頂級的必然是連天皇都愛吃的松茸了，松茸當造期是9、10月，嵯峨野就趁機在9月推出精緻「松茸懷石料理」，以日本長野出產的松茸烹調出七道菜，每位$820即可品嚐到小食、茶壺湯、炭火燒烤、天婦羅及煲仔飯，更有新鮮雜錦刺身及日本蜜瓜呢！必試炭火燒松茸，可以自家燒，燒至金黃色後灑點岩鹽或蘸點自家製的淡酸汁，味道超香又具口感，爽！
炭火燒松茸
師傅將約半隻松茸切件，連炭爐上桌自家燒製，灑點岩鹽最好味。
松茸煲仔飯
日本秋田米、腐皮、日式清湯、松茸等放進煲內煮成，連米飯都帶陣菌鮮香。
松茸天婦羅
蘸上自家製的天婦羅漿脆炸而成，外層鬆脆，入面松茸汁豐又具口感！
嵯峨野（23134215）
尖東麼地道72號香港日航酒店1樓
有機菇菌最健康
菇菌含豐富蛋白質、維生素、高纖等營養超豐富，翠亨邨於9月期間限定推出秋日進補菜式，更以有機菇菌入饌，炮製出窩蛋冬菇雞粒有機野米煲仔飯、野菌鮮枝竹有機南瓜盅等多款滋補菜，單是一道南瓜盅就用上白菌、日本花菇、靈芝菇等炮製，所有菇菌均獨立處理後再加上湯烹調而成，連南瓜都先拉油後蒸煮過，菇菌可以同香甜南瓜肉同吃，口感豐富又滋味。
野菌鮮枝竹有機南瓜盅$138
南瓜盅賣相精美，多款菌經調味及上湯煮過後鮮甜又入味。
翠亨邨（23762882）
尖沙嘴彌敦道132號美麗華商場地下
歐洲時令牛肝菌雪糕至罕
「簡單烹調就是欣賞牛肝菌最好的方法」，Goccia大廚Fabrizio認真說道，誰說不是呢？牛肝菌本身可是菇菌中上品，味香濃更具獨特香氣，含水量高達80%，汁豐口感強烈又鮮甜，餐廳由即日起至10月31日期間推出六款意式菇菌菜式，Fabrizio選用意大利的Aedilus牛肝菌，貪其香味重、菇頭色澤深身色淺；菇身較硬淨，生食或烹調皆宜。你甚至可以向大廚講出個人喜好，如Pizza、意大利飯等，大廚就會tailor-made，夠晒體貼！
牛肝菌餡餅拼黑松露沙律及芝士茸$168
以牛肝菌、蒜、橄欖油、忌廉等焗製而成的餡餅菌味突出，口感香滑，大廚以北意fontina芝士炮製成芝士醬，芝士味濃香得來又無蓋過餡餅味道，正！
朱古力層餅配呍呢拿醬及牛肝菌雪糕$88
坊間少有的牛肝菌雪糕，乃大廚特地從意大利雪糕店訂製，味香而清新，加上自家以PiedmontGianduja32%可可朱古力製成的糕餅，大量榛子，口感超豐富，滋味！
牛肝菌薄片配鮮蝦他他及意大利脆煙肉$198
牛肝菌薄切近1mm厚後略調味，聞得到的濃香，入口清新爽口。
Goccia（21678181）
中環雲咸街73號2號舖
走Cream油潤Risotto
很多人都不愛意大利飯，怕那硬硬邦邦口感，但，Sabatini的Risotto，卻帶嚼勁的硬，入口超油潤，餐廳由即日起至10月4日推出的牛肝菌盛宴，九款菜式，當中包括至愛的意大利飯，更是以香氣逼人的牛肝菌入饌，只以雞湯無加忌廉都一樣煮得稠稠的超creamy，入口香味濃郁，餘韻悠長；鮮蝦肉雖爽口彈牙，都不及那碟飯來得誘人，三扒兩撥就掃光。
牛肝菌意大利飯伴炸地中海蝦$328
白米先以白酒炒香，加入牛油、牛肝菌、雞湯等煮成意大利飯，上桌已超香，入口更是甘香油潤，齒頰留香。
香煎法國鱸魚伴扒牛肝菌龍蝦汁$488
大量龍蝦頭、殼及雜菜等熬足幾個鐘成濃汁，配香煎鱸魚，魚肉入口嫩滑鮮甜得很。
Sabatini（27332000）
尖東麼地道69號帝苑酒店3樓