為了實現開甜品店的夢想，AmandaS.放下自己的名模身段，踢走自己的公主病惡習，毅然往巴黎進行地獄式訓練學做甜品，在百年老店Laduree實習，日做10小時，不時遭責罵，對Amanda來說，她稱這份經驗是寶貴的等價交易，「我不收錢替他們工作，他們教曉我做甜品秘訣，冇拖冇欠、打和！」 撰文：梁錦貞
混血名模AmandaS.快將嫁為人婦，幸福滿瀉，做事滿有計劃的她，已敲定明年在港實現她的夢想──開一間甜品店。早前她拋下香港的工作，也拋下男友（現應稱未婚夫），在本年1月至3月及5月至8月，到巴黎廚藝學校先學基本功，然後再往當地甜品店實習，其中一間「接收」Amanda實習的甜品店，更是無人不曉的greenmaisonLaduree。
Amanda認為這次的決定正是適當時機，她說：「我由細至大，家人都好縱好錫我，喺美國讀寄宿學校同埋讀大學，個個同學都係屋企有啲錢，享受慣嘅，慢慢就有早期嘅公主病，到嚟香港發展時，一開始已經幾順利，咁就繼續自然takeitforgranted，到中段事業發展有啲細微唔如意，就開始明白唔係乜都係你expected嘅，好自然咁慢慢長大。」
戒公主病甘捱苦
Amanda續說：「為咗實現我嘅longtimedream開甜品店，我當然願意投資時間去巴黎學藝實習，家flashback番呢段sweet&bitter嘅生活，換上7年前嘅我一定noway！俾人鬧？要洗地？我一定會連環扁嘴、駁嘴甚至拎起手袋走。家我會唔出聲、做錯嘅就做番啱為止。」
在Laduree實習那段日子，Amanda表示平均每日朝10晚7，7月及8月時很多同學放大假，她被安排周末周日也要上班，她說：「我幾乎乜都要做，拉糖、焗麪包、蛋糕、最後美化嘅裝飾、coating....啲師傅好嚴厲，對味道同外表要求同樣嚴謹，做錯、做慢都會鬧，有次我只不過遞慢咗個盤畀隔籬位同學，師傅即刻叫我stop！罰我全日洗地。不過當師傅覺得你做得好就會自然加你工作量，雖然更加辛苦，不過係一種肯定，辛苦都值得。」
精於理科助整餅
問Amanda的天賦、求學時的興趣及長處對現在弄甜品是否毫無關連？她說：「我讀書時最叻係理科，數學、化學、生物、物理都攞好高分，擺喺做甜品蛋糕，落幾多份量嘅糖、牛油、mousse、控制溫度等等都要好準確，落少咗或者多咗都要從頭嚟過。自細畫畫我都冇乜興趣，做蛋糕最尾嗰part就一定要裝飾吓雕花嗰啲就唔係我嘅強項，不過呢part就可以發揮想像力，嘥咗咁多時間喺巴黎，又冇收入，不過學到嘅技巧經驗都係錢未必買得到嘅，雙方都有付出，好公平。」
Amanda現時同步忙搞明年婚禮及開店事宜，她說：「到時我一定會stay喺廚房，唔係印印腳做老闆娘，我嘅dreampicture係喺廚房密密做、滿頭大汗之後出嚟聽吓客人嘅意見。」
巴黎製作點滴
嚴選法國5餐廳
Amanda在巴黎實習半年，不時出外試食，成為巴黎美食達人的她，精選5間至潮心水餐廳：
GuySavoy
「我最愛嘅米芝蓮三星餐廳，出品一流。」
PatisseriedesReves（圖）
「非常精美嘅甜品店，有絕妙嘅SaintHonorecakes。」
CafeMarly（圖）
「CafeMarly嘅view好靚，望住羅浮宮，環境好優美，不過食品一般，我鍾意喺度飲杯嘢，睇日落。」
Laduree
「一間好靚嘅甜品店和茶室，有全城最好嘅macarons同美味沙律，我曾經喺度做嘢，所以我知佢哋製作係幾認真同高質素。」
Passage53（圖）
「一星米芝蓮餐廳，由日本chef主理嘅法國菜，係輕盈啲嘅Frenchcuisine。」
