【專題報道】
無聲無息、無影無形，有候選人沒有政綱，有選民不知自己是否選民，選舉論壇半數候選人失蹤，香港史上最詭秘「選舉」──藝術發展局藝術範疇代表推選活動今天展開。藝發局27個委員，只有10個是「民選」，有界別無人參選，有界別自動當選，耍太極的師奶是選民，作家查良鏞、董橋、西西、崑南不是，當選者卻管理每年逾9000萬元公帑。文化評論員怒斥選舉「求其」、「兒戲」，有作家直指選舉模式是藝術界的功能組別。
記者：張嘉雯
「我投票嗰啲娛樂嗰啲之嘛，何浩川係我哋十八式嘅導師，佢（何）久唔久同我哋編舞咁囉」。今年63歲的何女士是健康十八式的忠實學員，三年前經所屬地區團體，登記為藝術發展局藝術範疇代表的選民。
名牌作家竟然不是選民
「我哋個師姐幫我哋填資料，我梗係唔鍾意啦，都唔知啲資料經幾多人嘅手」。何女士支持的候選人何浩川由內地來港，上屆擊敗中國現代舞之父、城巿當代舞蹈團創作總監曹誠淵，「去尖沙嘴投票，仲有車送我哋去，我唔知佢（何）好唔好人，不過我哋個個都係投佢」。
藝發局大會27名委員中，只有10席是「民選」，分為藝術行政、藝術評論、藝術教育、戲曲、舞蹈、戲劇、電影藝術、文學藝術、音樂和視覺藝術共10個界別，所有獲選者最終經由特首委任。今年藝術評論界無人參選，戲劇界只有古天農一名候選人，自動當選。選舉每三年一次，選民超過7,000人，投票今天起一連三日早上9時至晚上9時進行。
選民分藝團及個人兩種，前者一經登記，其會員即可登記為選民；個人藝術工作者登記，先要證明自己是藝術家。故此，參與十八式的何女士是選民，作家查良鏞、董橋、西西、崑南、李碧華、素黑，藝術家白雙全、詩人黃燦然；劇場創作人楊秉基等統統都不是選民。
「藝術家呢樣嘢非常抽象」
作家陶傑不清楚藝發局有選舉，又指這種選舉模式是藝術界的功能組別，「藝術家呢樣嘢非常抽象，任你塞啲人入去都得，咁選法出現啲跌眼鏡嘅結果一啲都唔出奇，對藝術界發展一啲幫助都冇。」立法會議員、劇場演員陳淑莊數天前接到藝發局來電，才知道自己是選民。
文化評論員馬家輝狠批選舉籌備草率、馬虎，態度敷衍，「當局完全冇誠意做好個推選，乜嘢都求求其其，根本冇將藝發局放在眼內！連續四屆都搵同一間公關公司做，年年都做得咁差，個選舉論壇去到柴灣，建制派嘅候選人都唔肯嚟」。是次選舉網頁 http://www.voteforhkadc2010.hk/tc/index.php。
藝發局藝術範疇代表推選活動資料
日期：今天起至9月19日
時間：上午9時至晚上9時
地點：九龍彌敦道136A號尖沙嘴街坊福利會會堂
資料來源：藝術發展局