【本報訊】與陳志雲同案但暫獲廉署撤銷擔保「甩難」的錢國偉和寧進，異口同聲表示關心陳志雲。本身是陳志雲密友的無綫藝人寧進說，過去兩天曾跟陳以手機短訊聯絡，感到對方有點憂慮，他相信陳志雲是清白的，但「可能信錯人」。
錢國偉祝三人吉人天相
目前仍遭無綫停職的寧進昨日表示，三名被告中他最擔心陳志雲，他指前晚和昨日都有跟陳以手機互通短訊，「我話好擔心佢，佢覆番我『唔使擔心』。其實早排我都feel到佢有啲擔心」。寧進直言現在只能精神上支持陳志雲，「佢叫我幫佢祈禱，我都有祈o架。暫時唔探佢住，畀佢靜吓，佢應該仲有私務要處理」。寧進相信陳志雲是清白，「呢件事當局者（指圍內人）知唔關佢事，佢可能信錯人」。
早前離開無綫的《美女廚房》節目監製錢國偉昨日表示，現階段不會致電打擾陳志雲等人，「畀佢哋靜吓，但我會SMS畀佢哋，祝佢哋三個人吉人天相」。
無綫今年3月爆出驚天貪污案，廉署拘捕了陳志雲、陳永孫、叢培崑、錢國偉和寧進。連月來五人保釋候查，直至上月10日事件有新發展，錢國偉和寧進向廉署提出拒絕繼續保釋，並獲接納撤銷擔保，二人毋須再報到，暫時甩難。