香港多「無飯家庭」，好多人「恨」食住家飯，煲呔前日帶同特首辦大員走入尋常百姓家，落區去油尖旺，去一個小家庭同夫婦戶主一齊開飯。佢喺新開嘅Facebook「上亞厘畢道」透露，食住家菜一來要為施政報告收風，同時亦想試吓小市民廚藝。為免兩手空空，煲呔送上月餅、果籃做禮物，又斬料買叉燒加餸。主人家梁生梁太同好多小市民一樣，向煲呔大嘆買樓難，事關要儲錢結婚，就無餘錢畀首期上車，新婚後惟有租樓住，希望政府幫助夾心階層提供資助。煲呔強調聽到市民置業難嘅訴求，表明會喺施政報告中交代。