【本報訊】中年油漆工昨為追回1,400元工資，在西環觀龍樓對開行人天橋企圖跳橋。警方找來判頭對質，判頭最後支付工資，油漆工隨即由警員救下。
冒死追薪的41歲姓蔡油漆工表示，建造業近年不景致長期開工不足，月入數萬元好景一去不返，自己身為一家經濟支柱，無工開手停口停無法養妻活兒，所以對區區1,400元亦十分着緊，更對遭拖薪不滿，坦言「好嬲，血汗工資都拖欠，好無良」。
三子開學 冇晒錢
據蔡說，上月中受聘到進行翻新工程的西環觀龍樓開工，其間工友告知有人經常拖欠薪金，有同業曾被拖薪兩個月。日薪700元的他說，一家五口租住套房月租5,000元，加上三名就讀小學及中學兒子開學：「用晒錢畀書簿雜費，家冇晒錢。」他擔心遭拖欠薪金，做了兩日後便另找工作。上月開工兩日的1,400元工資原定昨日發放，可是昨晨查核存摺發現未過數，怕遭拖薪便爬上觀龍樓外天橋企圖跳橋。