賭王三房索女何超蓮，之前和男友Jeremy傳情變分手，她之前陪媽咪三太陳婉珍出席活動時，不敢多講。昨日Jeremy出發往澳洲讀書，超蓮清早起身送機，小情侶感情未變，兩人依依不捨，可惜被記者撞破，未能在分開前話別一番。
賭王何家淑女近月戀事多磨，三房長女何超雲和皮草太子王大業分手，胞妹超蓮和男友JeremyWong，早前都鬧情變。不過，一對小情人昨日現身機場，打破分手之說。
Jeremy澳洲升學
昨日早上7時半，何超蓮和男友Jeremy雙雙出現離境大堂，男友推着一車行李，兩人非常平民，自行推車去自助登機位登記，再去經濟位counter辦理登機手續。穿牛仔短褲、平底鞋的超蓮，發現有記者在場，即時面露不開心的表情，蹺埋手十分無奈。
問超蓮是否與男友去旅行？她即說：「唔係呀，我嚟送機咋。」之後扭扭擰擰說：「唔好影咁多啦，唔好行咁埋影啦，我冇化妝。」更貪靚地即時拿iPhone當鏡子照一照。不過，她都勉為其難和男友一齊企定合照。男友Jeremy頭戴有超蓮英文名「L」字的情侶帽，似乎兩人已經雨過天晴。
問到是否和好如初？超蓮即說：「唔想講，唔想答。」問她可是媽咪禁止多講戀情，她說：「其中一個原因啦。」問她男友出國讀書，可會掛住？她說：「佢會返嚟，家去澳洲，仲有幾年先畢業，我10月都開學，都要努力讀書。」
嘉玲素顏上京
此外，劉嘉玲剛自上海回港不久，昨日早上又起程往北京，早上8時左右，素顏的嘉玲，架着墨鏡推行李上機，她說：「我去北京，幫姜文宣傳新戲（《讓子彈飛》）。」呂良偉和太太楊小娟，昨日也出發往北京工作。
採訪、攝影：R.AuYeung、KennethCheung